Transcription
1
Reçue à Grenoble, le 18 mars 1573.
2
Monseigneur, je receus dernierement vostre lettre et veu par
3
icelle comme on vous avoit faict entendre qu’avois retiré quelques
4
soldatz qui avoient laissé leur cappitaine sans congé. Je vous asseure
5
monseigneur que je n’en scaiche avoir aulc’un et celuy qui avoit
6
laissé le cappitaine Mestra[l], je le luy ay renvoyé et osté de ma
7
troupe. Je serois bien marry de faire cela au aultres ce que je ne
8
vouldrois m’estre faict. Quant je fus à Loriol, qui fut le VIe
9
de ce moys, monsieur du Rousset trouva bon que je dressace
10
ma compagnie à Allez et que luy envoyasse douze soldatz pour
11
mettre aulx Tourrettes, ce que je fis ; et deux jours après
12
m’envoya m’acheminer au Monthelliemart avecq ce que j’aurois de
13
gens où je suis à present et fais diligence d’avoir soldatz pour achever
14
de faire ma compagnie que j’espère en peu de jours avoir achevée
15
pour après recepvoir voz bons commandemens. Qu’est tou ce que
16
je vous puis escripre pour ne scavoir chose digne de vous et aussi
17
que mondit sieur du Rousset ne laisse passer rien sans vous en advertir.
18
Saluant sur ce voz bonnes graces de mes très humbles recommandations
19
priant Dieu,
20
monseigneur, vous avoir en sa saincte garde et accomplissement de voz
21
sainctz desirs. Du Monthelliemart, ce XIe mars.
22
Vostre très humble et très obeissant
23
serviteur
24
Collon